2015 jylǵy 2 shilde, Astana qalasy
Maqta óńdeý uıymdarynyń maqta qolhattary boıynsha mindettemelerdiń oryndalýyna kepildik berý júıesine qatysý qaǵıdalaryn bekitý týraly
«Maqta salasyn damytý týraly» 2007 jylǵy 21 shildedegi Qazaqstan Respýblıkasy Zańynyń 7-babynyń 18) tarmaqshasyna sáıkes buıyramyn:
1. Qosa berilip otyrǵan Maqta óńdeý uıymdarynyń maqta qolhattary boıynsha mindettemelerdiń oryndalýyna kepildik berý júıesine qatysý qaǵıdalary bekitilsin.
2. Qazaqstan Respýblıkasy Aýyl sharýashylyǵy mınıstrliginiń О́simdik sharýashylyǵy ónimderin óndirý men qaıta óńdeý jáne fıtosanıtarııalyq qaýipsizdik departamenti zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesiniń merzimdi baspa basylymdaryna jáne «Ádilet» aqparattyq-quqyqtyq júıesine resmı jarııalaýǵa jiberilýin;
3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Aýyl sharýashylyǵy mınıstri A.MAMYTBEKOV
«KELISILGEN»
Qazaqstan RespýblıkasynyńUlttyq ekonomıka
mınıstri ________________ E. Dosaev
2015 jylǵy 21 tamyz
Qazaqstan Respýblıkasy Aýyl sharýashylyǵy mınıstriniń 2015 jylǵy 2 shildedegi
№ 4-5/603 buıryǵymen bekitilgen
Maqta óńdeý uıymdarynyń maqta qolhattary boıynsha mindettemelerdiń
oryndalýyna kepildik berý júıesine qatysý qaǵıdalary
1. Jalpy erejeler
1. Osy Maqta óńdeý uıymdarynyń maqta qolhattary boıynsha mindettemelerdiń oryndalýyna kepildik berý júıesine qatysý qaǵıdalary (budan ári - Qaǵıdalar) «Maqta salasyn damytý týraly» 2007 jylǵy 21 shildedegi Qazaqstan Respýblıkasynyń Zańyna sáıkes ázirlendi jáne maqta óńdeý uıymdarynyń maqta qolhattary boıynsha mindettemelerdiń oryndalýyna kepildik berý júıesine qatysý tártibin aıqyndaıdy.
2. Osy Qaǵıdalarda mynadaı negizgi uǵymdar paıdalanylady:
1) kepildik berilgen maqta kólemi – qaıtarý jónindegi jaýapkershilikke qor kepildik beretin, qor árbir qatysýshy boıynsha belgileıtin maqta kólemi;
2) qatysý sharty – qor men maqta óńdeý uıymynyń arasynda jasalatyn shart, onyń negizinde sońǵysy maqta qolhattary boıynsha mindettemelerdiń oryndalýyna kepildik berý júıesine qatysady;
3) qatysýshy – qormen qatysý sharty jasalǵan jáne qoldanylatyn, maqta qolhattaryn bere otyryp, qoıma qyzmeti jónindegi qyzmetter kórsetýge lısenzııasy bar maqta óńdeý uıymy;
4) maqta qolhattary boıynsha mindettemelerdiń oryndalýyna kepildik berý qory – óz qyzmetin maqta óńdeý uıymdarynyń ózderi bergen maqta qolhattary boıynsha mindettemelerin oryndamaýynan maqta qolhattaryn ustaýshylardyń quqyqtary men zańdy múddelerin qorǵaýdy qamtamasyz etý maqsatynda júzege asyratyn zańdy tulǵa (budan ári – qor nemese qorlar);
5) maqta óńdeý uıymynyń pasporttyq qýattylyǵy – shıtti maqtany óńdeýdiń táýliktik jáne jyldyq kólemin sıpattaıtyn tehnıkalyq qujattar.
2. Maqta óńdeý uıymdarynyń maqta qolhattary boıynsha mindettemelerdiń
oryndalýyna kepildik berý júıesine qatysý tártibi
3. Maqta qolhattaryn bere otyryp, qoıma qyzmeti jónindegi qyzmetter kórsetýge lısenzııasy bar maqta óńdeý uıymy qorǵa (qorlarǵa) qatysý úshin erkin nysanda qorǵa (qorlarǵa) ótinish beredi jáne mynadaı qujattardy qosa beredi:
1) jyljymaıtyn múlikke tirkelgen quqyqtar (aýyrtpalyq salýlar) jáne onyń tehnıkalyq sıpattamalary týraly anyqtama;
2) maqta óńdeý uıymy jarǵysynyń kóshirmesi (túpnusqasy salystyryp tekserý úshin kórsetiledi);
3) quryltaıshylardyń quramy týraly quryltaı shartynan úzindi-kóshirme nemese qorǵa ótinish beretin kúnge deıin keminde on kún buryn tirkeýshi bergen baǵaly qaǵazdardy ustaýshylar tizilimderi júıesinde baǵaly qaǵazdardy ustaýshylardyń jeke shotynan úzindi-kóshirme;
4) maqta qolhattaryn bere otyryp, qoıma qyzmeti jónindegi qyzmetter kórsetýge lısenzııanyń kóshirmesi (túpnusqasy salystyryp tekserý úshin kórsetiledi);
5) maqta óńdeý uıymynyń biliktilik talaptaryna sáıkestigi jáne shıtti maqtanyń jańa ónimin qabyldaýǵa ázirligi mánine júrgiziletin jyl saıynǵy tekseris týraly jergilikti atqarýshy organ aktisiniń kóshirmesi (túpnusqasy salystyryp tekserý úshin kórsetiledi);
6) ótken jylǵa jáne sońǵy esepti kúnge býhgalterlik teńgerimniń jáne qarjy-sharýashylyq qyzmet týraly eseptiń maqta óńdeý uıymynyń mórimen kýálandyrylǵan kóshirmeleri;
7) maqta óńdeý uıymynyń ótken esepti jylǵy jyldyq qarjylyq eseptiliginiń shynaıylyǵyn rastaıtyn aýdıtorlyq qorytyndynyń kóshirmesi (túpnusqasy salystyryp tekserý úshin kórsetiledi);
8) maqta óńdeý uıymy ótinish bergen kúnniń aldyndaǵy úsh aıdan astam merzimge banktiń aldynda merzimi ótken beresheginiń joq ekendigi týraly banktiń móri basylǵan, birinshi basshynyń nemese qol qoıý quqyǵy bar adamnyń jáne bas býhgalterdiń qoly qoıylǵan banktiń anyqtamasy. Eger maqta óńdeý uıymy birneshe ekinshi deńgeıdegi banktiń nemese fılıaldyń, sondaı-aq sheteldik banktiń klıenti bolǵan jaǵdaıda, bul anyqtama osyndaı bankterdiń árqaısysynan usynylady;
9) Qazaqstan Respýblıkasy Qarjy mınıstriniń 2008 jylǵy 29 jeltoqsandaǵy № 622 buıryǵymen bekitilgen derbes shottardy júrgizý erejeleriniń (Normatıvtik quqyqtyq aktilerdi memlekettik tirkeý tiziliminde № 5446 bolyp tirkelgen) 20-tarmaǵyna sáıkes salyq beresheginiń, mindetti zeınetaqy jarnalary, mindetti kásiptik zeınetaqy jarnalary jáne áleýmettik aýdarymdar boıynsha bereshekteriniń joq ekeni týraly málimetter (tóleý merzimi Qazaqstan Respýblıkasynyń zańnamasyna sáıkes uzartylǵan jaǵdaılardy qospaǵanda), nemese konkýrs jarııalanǵan kúnnen kesh emes bir teńgeden kem emes salyq beresheginiń, mindetti zeınetaqy jarnalary, mindetti kásiptik zeınetaqy jarnalary jáne áleýmettik aýdarymdar boıynsha bereshekteriniń bar ekeni týraly anyqtamasynyń kóshirmesi;
10) qatysý shartynyń kóshirmesi jáne kepildik berilgen maqtanyń kólemi týraly málimetter (eger maqta óńdeý uıymy maqta qolhattary boıynsha mindettemelerdiń oryndalýyna kepildik beretin basqa qorlardyń qatysýshysy bolsa);
11) qorǵa kepildik berilgen maqta kólemin anyqtaý úshin qajetti ózge qujattar.
4. Qor (qorlar) ótinishti jáne osy Qaǵıdalardyń 3-tarmaǵynda kórsetilgen qujattardy alǵannan keıin, maqta óńdeý uıymynyń ótinishin osy qorǵa qatysýshylardyń quramyna engizý jáne kepildik berilgen maqtanyń kólemin anyqtaý mánine qaraıdy.
Maqta óńdeý uıymynyń ótinishin qordyń qaraý merzimi jıyrma kúntizbelik kúnnen aspaýy kerek.
5. Maqta óńdeý uıymynyń maqta qolhattary boıynsha mindettemelerdiń oryndalýyna kepildik berý júıesine qatysýy qordyń maqta óńdeý uıymyn qorǵa qatysýshylardyń qataryna qosý týraly sheshimderine sáıkes jasalǵan qatysý sharttarynyń negizinde júzege asyrylady.
Qordyń qatysýshymen qatysý shartyn jasasý merzimi qordyń maqta óńdeý uıymyn qorǵa qatysýshylardyń qataryna qosý týraly sheshimi qabyldanǵannan keıin kúntizbelik jeti kúnnen aspaıdy.
6. Maqta óńdeý uıymyn qorǵa qatysýshylardyń qataryna qosqan kezde, qor maqta óńdeý uıymynyń pasporttyq qýattylyǵyn, naqty toltyrylǵan kólemin, basqa qor (qorlar) kepildik bergen maqtanyń kólemi týraly málimetterdi eskere otyryp (maqta óńdeý uıymy basqa da qorlarǵa qatysqan jaǵdaıda) anyqtalatyn kepildik berilgen maqtanyń kólemin belgileıdi.
7. Maqta óńdeý uıymynyń qorǵa qatysýy qor beretin qatysýshy kýáligimen rastalady.
Maqta qolhattary boıynsha mindettemelerdiń oryndalýyna kepildik berý júıesine qatysý týraly kýálikti aýystyrý qatysýshynyń ataýy ózgergen jaǵdaıda qatysýshydan lısenzııanyń qaıta tirkelýin jáne qaıta resimdelýin rastaıtyn qujattardy alǵan sátten bastap on jumys kúni ishinde júrgiziledi.
Maqta óńdeý uıymyn qorǵa qatysýshylardyń quramynan shyǵarǵan jaǵdaıda, maqta óńdeý uıymy qor bergen kýálikti úsh jumys kúni ishinde oǵan qaıtarady.
8. Maqta qolhattary boıynsha mindettemelerdiń oryndalýyna kepildik berý júıesine qatysý úshin qatysýshy qorǵa (qorlarǵa) qatysý shartynda aıqyndalatyn jyl saıynǵy mindetti jarnalardy tóleıdi.
9. Qor óziniń qatysýshylarynyń tizilimin júrgizedi jáne kepildik berilgen maqtanyń kólemin kórsete otyryp, qatysýshylar týraly aqparattyń respýblıkalyq merzimdi baspa basylymdarynda memlekettik jáne orys tilderinde jyl saıynǵy jarııalanýyn qamtamasyz etedi.
10. Qatysýshynyń qorǵa (qorlarǵa) qatysýy tómende sanamalanǵan jaǵdaılardyń bireýi bolǵanda toqtatylady:
1) qormen jasalǵan qatysý sharty buzylǵanda;
2) sottyń sheshimi boıynsha;
3) qatysý sharty taraptarynyń biri joıylǵanda.
Maqta óńdeý uıymynyń qorǵa qatysýy toqtatylǵan kúnnen bastap otyz kúnniń ishinde qor tıisti aqparattyń respýblıkalyq merzimdi baspa basylymdarynda memlekettik jáne orys tilderinde jarııalanýyn qamtamasyz etedi.
Buıryq Qazaqstan Respýblıkasynyń Ádilet mınıstrliginde 2015 jylǵy 22 qyrkúıekte Normatıvtik quqyqtyq kesimderdi memlekettik tirkeýdiń tizilimine №12093 bolyp engizildi.